Janubiy Koreyadan O‘zbekistonga kelayotgan turistlar soni oshdi

Toshkent, O‘zbekiston (UzDaily.uz) — Milliy statistika qo‘mitasi maʼlumotlariga ko‘ra, 2026 yil yanvar–fevral oylarida O‘zbekistonga turistik maqsadlarda Koreya Respublikasining 6 385 nafar fuqarosi tashrif buyurgan.

Bu ko‘rsatkich o‘tgan yilning shu davriga nisbatan 1 187 nafarga oshgan bo‘lib, 21,7 foizlik o‘sishni tashkil etdi.

Tashriflarning asosiy qismi sayohat maqsadida amalga oshirilgan — 4 682 nafar. Shuningdek, Janubiy Koreya fuqarolarining sezilarli qismi qarindoshlarini ko‘rish uchun kelgan — 987 nafar, yana 679 nafar fuqaro safar maqsadi sifatida taʼlimni ko‘rsatgan.

Xizmat safari bilan kelganlar 22 nafarni, davolanish maqsadida tashrif buyurganlar esa 15 nafarni tashkil etdi.