3,8 mingdan ortiq o‘zbekistonlik Malayziyaga bordi

Toshkent, O‘zbekiston (UzDaily.uz) — 2026 yil yanvar–fevral oylarida 3 834 nafar O‘zbekiston fuqarosi turizm, qarindoshlarni ziyorat qilish, taʼlim va xizmat safarlari kabi turli maqsadlarda Malayziyaga tashrif buyurdi. Bu haqda Milliy statistika qo‘mitasi xabar qildi.

O‘tgan yilning shu davriga nisbatan safarlar soni 824 nafarga oshgani kuzatilib, bu ushbu yo‘nalishga qiziqish ortib borayotganini ko‘rsatadi.

Safarlarning asosiy qismi turizm maqsadiga to‘g‘ri keldi — 3 617 nafar. Yana 181 nafar fuqaro qarindoshlarni ziyorat qilish uchun, 30 nafar taʼlim olish maqsadida, 6 nafar esa xizmat safarlari doirasida Malayziyaga yo‘l olgan.