Хайрулло Бозоров Туркиянинг Calibers Way компанияси раҳбари билан инвестиция лойиҳаларини муҳокама қилди

Тошкент, Ўзбекистон (UzDaily.uz) — Фарғона вилояти ҳокими Хайрулло Бозоров Туркиянинг “Calibers way commercial brokerje” компанияси раҳбари Бюлент Режепоглуни қабул қилди

Қўқон шаҳрида бўлиб ўтган учрашувда томонлар ўзаро манфаатли ҳамкорликни кенгайтириш ва истиқболли инвестиция лойиҳаларини амалга ошириш масалаларини атрофлича муҳокама қилдилар.

Мулоқот давомида хорижлик инвестор Ўзбекистонда тадбиркорлик фаолияти учун яратилган қулай бизнес муҳити ва кенг имкониятларни юқори баҳолади. Вилоятда халқаро олий таълим муассасасининг минтақавий филиалини ташкил этиш, логистика соҳасидаги лойиҳаларни ҳаётга татбиқ этиш бўйича таклифлар билдирилди.

Учрашув якунида инвестициявий таклифларни амалий босқичга ўтказиш юзасидан вазифалар ва чора-тадбирлар белгилаб олинди.