Тошкентда дзюдо бўйича Осиё кубоги бошланди

Тошкент, Ўзбекистон (UzDaily.uz) — Тошкент шаҳрида ўсмирлар ва ёшлар ўртасида дзюдо бўйича Осиё кубоги старт олди. Мусобақалар «Олимпия шаҳарчаси» ҳудудида ўтказилмоқда.

Маълумотларга кўра, турнирда 11 давлатдан 1200 нафардан ортиқ спортчи иштирок этмоқда.

Мусобақа дастурига мувофиқ, 28–29 май кунлари ўсмирлар ўртасида беллашувлар бўлиб ўтади. 30–31 май кунлари эса ёшлар тоифасидаги спортчилар баҳс олиб боради.