Сирдарё вилояти ҳокими лавозимидан озод этилди
Тошкент, Ўзбекистон (UzDaily.uz) — Сирдарё вилояти ҳокими Акмалжон Маҳмудалиев лавозимидан озод этилди.
Унинг ишида жиддий камчиликлар аниқлангани, жумладан, инвестицияларни жалб қилиш, қишлоқ хўжалигини ривожлантириш ва ҳудудий фаолиятнинг бошқа муҳим йўналишларига етарлича эътибор қаратилмагани сабаб бўлди.
Бу ҳақда Ўзбекистон Президенти Шавкат Мирзиёев раҳбарлигида инвестицияларни жалб қилиш ва экспорт ҳажмини ошириш бўйича олиб борилган ишлар натижалари муҳокама қилинган, шунингдек, келажакдаги асосий вазифалар белгилаб олинган видеоселектор йиғилишида маълум қилинди.
