Шукурулло Бобоев Олий Мажлис Сенати аъзоси этиб сайланди

Тошкент, Ўзбекистон (UzDaily.uz) -- Жорий йилнинг 21 январь куни Чирчиқ шаҳридаги "Кимё­гарлар" маданият саро­йида Халқ депутатлари Тошкент вилоя­ти давлат ҳокимияти вакиллик органлари депутатларининг бўшаб қолган ўринга Олий Мажлис Сенати аъзоси сайлови бўйича қўшма мажлиси бўлиб ўтди.

Қўшма мажлисда вилоят давлат ҳокимияти вакиллик органлари депутатлари, Марказий сайлов комиссияси аъзолари ҳамда оммавий ахборот воситалари вакиллари иштирок этди.

Тадбирни Марказий сайлов комиссияси раиси Мирзо Улуғбек Абдусаломов кириш сўзи билан очди.

Яширин овоз бериш йўли билан ўтказилган сайлов натижаларига кўра, Тошкент вилояти ҳокими, Халқ депутатлари Тошкент вилояти Кенгаши раиси Шукурулло Бобоев Ўзбекистон Республикаси Олий Мажлиси Сенати аъзоси этиб сайланди.