Тошкент, Ўзбекистон (UzDaily.uz) — Ўзбекистон Президенти Администрацияси раҳбари Саида Мирзиёева Туркия Президенти Ражаб Тоййиб Эрдўғон билан учрашди ва унга Ўзбекистон раҳбари Шавкат Мирзиёевнинг самимий тилакларини етказди.
Учрашув давомида томонлар биргаликда амалга оширилган ишлар натижаларини ҳамда узоқ йиллик дўстлик ва шериклик муносабатлари билан боғланган икки мамлакат ўртасидаги алоқаларни янада мустаҳкамлаш имкониятларини муҳокама қилдилар.
Саида Мирзиёева Туркия Президентига самимий қабул, Ўзбекистонга кўрсатилаётган эътибор ва икки мамлакат халқлари ўртасидаги биродарлик алоқаларини қўллаб-қувватлаётгани учун миннатдорлик билдирди.
