Рустам Азимов Афғонистон делегацияси билан музокаралар ўтказди

Тошкент, Ўзбекистон (UzDaily.uz) -- Ўзбекистон Республикаси Бош вазирининг биринчи ўринбосари, Молия вазири Рустам Азимов бошчилигидаги Ўзбекистон делегацияси Бишкек шаҳри (Қирғизистон Республикаси)да Афғонистон Ислом Республикаси ижро ҳокимияти раҳбари Абдулла Абдулла билан музокаралар ўтказди.

Эслатиб ўтамиз, Ўзбекистон Республикаси делегацияси 2016-йилнинг 2-3-ноябрь кунлари Бишкек шаҳрида бўлиб ўтаётган Шанхай ҳамкорлик ташкилоти(ШҲТ) Ҳукумат раҳбарлари кенгашининг навбатдаги йиғилишида иштирок этмоқда.

Суҳбат чоғида томонлар савдо-иқтисодий, транспорт ва маданий-гуманитар соҳалардаги ўзаро манфаатли муносабатларни янада ривожлантириш масалалари муҳокама қилишди.