Иқтисод

Россиянинг Ўзбекистонга агросаноат маҳсулотлари экспорти 60 фоизга ошди

Россиянинг Ўзбекистонга агросаноат маҳсулотлари экспорти 60 фоизга ошди
Россиянинг Ўзбекистонга агросаноат маҳсулотлари экспорти 60 фоизга ошди / Фото: UzDaily.

Тошкент, Ўзбекистон (UzDaily.uz) — Россия 2026 йилнинг январь–октябрь ойларида Ўзбекистонга агросаноат мажмуаси маҳсулотлари экспортини натурал ифодada 1,6 баробарга, қиймат жиҳатидан эса 32 фоизга оширди.

Етказиб берилган маҳсулотлар ҳажми 1,4 миллион тоннадан, қиймати эса 1,2 миллиард доллардан ошди. Бу ҳақда «Агроэкспорт» федерал маркази хабар берди.

Марказ экспертларининг баҳолашича, ўн ой давомида Россиядан амалга оширилган етказиб беришлар ҳажм ва қиймат жиҳатидан кузатувлар тарихидаги энг юқори кўрсаткичга етган. Ушбу даврдаги экспорт ҳажми, шунингдек, ўтган йил давомидаги жами кўрсаткичдан ҳам ошиб кетган.

Етказиб берилаётган маҳсулотларнинг энг йирик бешта тоифаси қаторига шакар ҳам кирди. Унинг экспорти қиймати тахминан 274 миллион долларни ташкил этди.

Иккинчи ўринни соя кунжараси ва шроти эгаллади — ушбу маҳсулотлар экспорти қарийб 139 миллион долларга баҳоланди. Шоколадли қандолат маҳсулотлари етказиб бериш ҳажми эса тахминан 93 миллион долларни ташкил қилди.

Кунгабоқар ёғи экспорти 60 миллион доллардан ошди, буғдой экспорти эса қарийб 52 миллион долларга етди.

 

Дилафруз Ниязова
Дилафруз Ниязова

Дилафруз Ниязова 2025 йилдан буён UzDaily жамоасида фаолият юритиб, нашрнинг ўзбек тилидаги версияси учун масъулдир.