РИКМ ҳамда Алмазов маркази ҳамкорлик тўғрисида шартнома имзоладилар
Тошкент, Ўзбекистон (UzDaily.uz) --
Ўзбекистон Республикаси Соғлиқни сақлаш вазирлиги ҳузуридаги Республика ихтисослаштирилган кардиология маркази (РИКМ) ҳамда В.А.Алмазов номли Шимолий-Ғарбий федерал тиббиёт тадқиқотлар маркази ҳамкорлик тўғрисида шартнома имзоладилар.
Мазкур ҳужжат Ўзбекистон Бош вазирининг ўринбораси – Соғлиқни сақлаш вазири Адҳам Икрамовнинг Санкт-Петербург шаҳрига ташрифи доирасида имзоланди.
Ташриф давомида Адҳам Икрамов Россия ССВ ҳузуридаги Алмазов маркази, трансплантация медицинаси соҳасидаги етакчи илмий-клиник муассаса бўлгани сабабли Марказнинг ривожланиш стратегияси билан яқиндан танишди.
Ўзбекистон делегацияси, шунингдек, Бош клиник комплекс ҳамда Перинатал марказ фаолияти билан танишди.
