Қирғизистон Элчиси билан учрашув
Тошкент, Ўзбекистон (UzDaily.uz) --
2017 йилнинг 28 март куни Ўзбекистон Республикаси Ташқи ишлар вазирлигида Қирғизистон Республикасининг Фавқулодда ва Мухтор Элчиси Данияр Сидиков билан учрашув бўлиб ўтди. Бу ҳақда ЎзР ТИВ Матбуот хизмати хабар беради.
Суҳбат чоғида икки томонлама муносабатларнинг долзарб масалалари, шу жумладан, турли даражаларда бўлажак Ўзбекистон-Қирғизистон учрашувлари билан боғлиқ масалалар ҳамда МДҲга аъзо мамлакатлар Ташқи ишлар вазирлари кенгашининг Тошкент шаҳридаги йиғилишида Қирғизистон делегацияси иштирокининг амалий жиҳатлари муҳокама қилинди.
