Тошкент, Ўзбекистон (UzDaily.uz) — Американинг PowerScape Global компанияси Ўзбекистон билан кўмирни қайта ишлаш соҳасида ҳамкорлик қилишдан манфаатдор.
Бу ҳақда компания вакиллари 23 октябрь куни вазир ўринбосари Р. Юсупов билан учрашувда маълум қилди. Делегацияга PowerScape Global бош директори Карл Мур бошчилик қилди. Бу ҳақда Ўзбекистон Тоғ-кон саноати ва геология вазирлиги хабар берди.
Ўзбекистон томони меҳмонларга мамлакат кўмир саноатининг бугунги ҳолати ва уни ривожлантириш истиқболлари ҳақида маълумот берди.
PowerScape Global вакиллари эса кўмир хомашёсидан қўшилган қиймати юқори бўлган маҳсулотлар ишлаб чиқариш имконини берувчи технологик ечимларни тақдим этди.
