Ўзбекистоннинг олтин-валюта захиралари биринчи марта 50 миллиард доллардан ошди — Марказий банк

Тошкент, Ўзбекистон (UzDaily.uz) — 2025 йил август ойи якунига кўра, Ўзбекистоннинг олтин-валюта захиралари биринчи марта 50 миллиард доллардан ошиб, 1,34 миллиард долларга кўпайгани ҳақида Марказий банк маълум қилди.

Шу билан бирга, хорижий валютадаги захиралар 9,5 миллиард доллардан 9,4 миллиард долларга камайди, халқаро қимматли қоғозлар ҳажми эса 1 миллиард доллар даражасида қолди.

Захиралардаги олтин қиймати 1,4 миллиард долларга ўсиб, 40,1 миллиард долларга етди, унинг жисмоний ҳажми эса 11,7 миллион трой унциядан 11,8 миллион трой унцияга кўпайди.