Тошкент, Ўзбекистон (UzDaily.uz) — Тоғ-кон саноати ва геология вазири B. Исламов ҳамда Туркия Энергетика ва табиат ресурслари вазири ўринбосари, Аҳмет-Берат Чонкар, Туркиянинг Ўзбекистондаги элчиси Уфук Улуташ билан учрашув бўлиб ўтди.
Учрашувда томонлар МТА ҳамда Кон-геология вазирлигининг ҳамкорликдаги лойиҳалари, Ўзбекистонда инвесторларга яратилаётган шарт-шароитлар, шаффоф механизмлар асосида аукцион орқали тадбиркорларга таклиф қилинаётган ер қаъри участкалари, таълимга берилаётган эътибор ҳақида сўз юритди.
Шунингдек, соҳага оид қонунчиликнинг такомиллаштирилаётгани, ислоҳотлар давом этаётгани ва халқаро ҳамкорлик алоқаларини мустаҳкамлаш юзасидан фикр алмашилди.
