Ўзбекистон ва Озарбайжон ўзаро муносабатларни ривожлантириш масалаларини муҳокама қилишди

Тошкент, Ўзбекистон (UzDaily.uz) — 2026 йилнинг 11 август куни Ўзбекистон Республикаси ташқи ишлар вазири ўринбосари Бобур Усманов Озарбайжон Республикасининг мамлакатимиздаги Фавқулодда ва Мухтор Элчиси Рашад Мамедов билан учрашув ўтказди.

Мулоқотда Ўзбекистон-Озарбайжон стратегик шериклик ва иттифоқчилик муносабатларининг бугунги ҳолати ва уларни ривожлантириш истиқболлари муҳокама қилинди.

Олий ва юқори даражадаги тадбирларга тайёргарлик кўриш, шунингдек, икки томонлама ҳамкорликнинг шартномавий-ҳуқуқий базасини кенгайтириш масалаларига алоҳида эътибор қаратилди.