Тошкент, Ўзбекистон (UzDaily.uz) — Ўзбекистон ва Хитойнинг NUODE New Materials компанияси Ўзбекистонда ўта юпқа мис фольгаси ишлаб чиқариш бўйича қўшма корхона ташкил этиш истиқболларини муҳокама қилди.
Ушбу масала «Ўзэлтехсаноат» уюшмаси раиси Мирзиёд Юнусовнинг Хитой компанияси раиси Чэнь Личжи (Chen Lizhi) бошчилигидаги делегация билан учрашувида кўриб чиқилди.
Томонлар инвестициявий ҳамкорлик имкониятлари ва электротехника саноатида қўлланиладиган материални ишлаб чиқаришни ташкил этиш масалаларини муҳокама қилди.
Потенциал лойиҳа соҳага замонавий технологияларни жалб қилиш ва халқаро ҳамкорликни кенгайтириш нуқтаи назаридан кўриб чиқилмоқда.
