Ўзбекистон ва Мўғулистон савдо айланмасини оширишга келишиб олдилар

Тошкент, Ўзбекистон (UzDaily.uz) — Тошкентда Ўзбекистон ва Мўғулистоннинг 70 дан ортиқ компаниялари иштирокида бизнес-форум бўлиб ўтди.

Делегацияларга ИССВ вазири ўринбосари Илзат Касимов, Мўғулистоннинг Ўзбекистондаги Фавқулодда ва мухтор элчиси Дадандху Батбаатар ҳамда Мўғулистон парламенти депутати Сухбаатар Эрденебат раҳбарлик қилдилар.

Томонлар жорий йилнинг биринчи чорагида Ўзбекистоннинг Мўғулистонга экспорти 15,6 фоизга ошганини қайд этиб, ўзаро товар айирбошлаш ҳажмини 100 миллион долларга етказишни мақсад қилдилар.

Мўғулистон жун ва кашмири маҳсулотларини Ўзбекистонда қайта ишлаш ва экспорт қилиш бўйича саноат кооперациясига алоҳида эътибор берилди. Агросекторда 2029 йилга қадар республикадаги мўғул қўйлари бош сонини 1 миллионтага етказиш ҳамда Мўғулистонда Ўзбекистон суғориш тизимларини жорий қилиш режалаштирилган.

Музокараларда Ўзбекистон - Қирғизистон - Хитой - Мўғулистон коридори бўйлаб юк ташувларини йўлга қўйиш масалалари муҳокама қилинди. Геология соҳасида эса Ўзбекистоннинг тегишли вазирлиги Улан-Батор шаҳридаги ваколатхонаси орқали конларни ўзлаштириш бўйича амалий ишларни бошлади.

Suzur Health Med, Prime Nomadic Meat, Tsamkhag Construction ва бошқа компанияларнинг B2B ҳамда G2B учрашувлари натижасида янги инвестиция лойиҳалари шакллантирилди. Форум якунида қўшма ташаббусларни доимий равишда қўллаб-қувватлаш қилиш механизми яратилди.