Ўзбекистон U-17 Уругвай ва Испания билан ўйнайди

Тошкент, Ўзбекистон (UzDaily.uz) — Ўзбекистон U-17 ёшлар терма жамоаси Тошкентдаги ўқув-машғулот йиғинини якунлаб, Испаниянинг Альбир шаҳрига йўл олди. Сергей Чигодаев бошчилигидаги жамоа 17 ёшгача бўлган футболчилар ўртасидаги жаҳон чемпионатига тайёргарлик кўрмоқда. Бу ҳақда Ўзбекистон футбол ассоциацияси хабар берди.

Тайёргарлик доирасида жамоа Испанияда иккита ўртоқлик учрашувини ўтказади. 25 август куни Ўзбекистон U-17 терма жамоаси Уругвайга қарши майдонга тушса, 27 августда Испания терма жамоаси билан куч синашади.

Ҳар икки учрашув ҳам Ўзбекистон терма жамоасининг 17 ёшгача бўлган футболчилар ўртасидаги бўлажак жаҳон чемпионатига тайёргарлиги доирасида ўтказилади.