Ўзбекистон Туркиянинг Kura Ltd компанияси билан фармацевтика соҳасидаги лойиҳаларни муҳокама қилмоқда
Тошкент, Ўзбекистон (UzDaily.uz) — Фармацевтика тармоғини ривожлантириш агентлигида Туркияннг “Kura Ltd.” компанияси вакиллари билан учрашув бўлиб ўтди.
Учрашувда Фармагентлик директори А.Азизов томонидан "Tashkent Pharma Park” инновацион илмий-ишлаб чиқариш фармацевтика кластери, унинг инфратузилмавий имкониятлари, сармоядорлар учун яратилган шарт-шароитлар ва давлат томонидан кўрсатиладиган қўллаб-қувватлаш чоралари ҳақида батафсил маълумот берилди.
Шунингдек, халқаро сертификатлаш, рўйхатдан ўтказишни ўзаро тан олиш, тартибга солувчи органлар, жумладан FDA билан ҳамкорлик масалалари муҳокама қилинди.
