Олий Мажлис Сенати Раиси бошчилигидаги Ўзбекистон парламент делегацияси Сербияга ташриф буюради
Тошкент, Ўзбекистон (UzDaily.uz) — Жорий йилнинг 2-4 июнь кунлари Олий Мажлис Сенати Раиси Танзила Нарбаева бошчилигидаги Ўзбекистон парламент делегацияси Сербия Республикасига расмий ташриф билан бўлади.
Ташриф доирасида Парламентлараро иттифоқ томонидан Белград шаҳрида ташкил этиладиган Парламентларнинг аёл аъзолари глобал конференциясида иштирок этиш режалаштирилган.
Шунингдек, Сенат Раисининг Сербия Республикасининг давлат органлари ва парламент вакиллари билан учрашувлари назарда тутилган.
Ташриф давомида Ўзбекистон Республикаси Олий Мажлиси Сенати ва Сербия Республикаси Халқ йиғилиши ўртасида парламентлараро ҳамкорлик тўғрисида англашув меморандумини имзолаш режалаштирилган.
