“Ўзқурилишматериаллари” АК акциядорлик жамиятига айлантирилди

Тошкент, Ўзбекистон (UzDaily.uz) -- “Ўзқурилишматериаллари” акциядорлик компанияси Ўзбекистон Республикаси Президенти вазифасини бажарувчининг 2016-йилнинг 25-октябрдаги қарори билан акциядорлик жамиятига айлантирилди.

Ўзбекистон Республикаси Президенти вазифасини бажарувчи “Республика қурилиш материаллари саноатини бошқаришни ташкил этишни янада такомиллаштириш чора-тадбирлари тўғрисида”ги қарорга имзо чекди.

Мазкур қарорга биноан, “Ўзқурилишматериаллари” акциядорлик компанияси негизида “Ўзқурилишматериаллари” акциядорлик жамияти тузилди.