Ўзбекистон “Холидей” компаниясига мева ва сабзавотларни етказиб беради

Тошкент, Ўзбекистон (UzDaily.uz) -- Россиянинг “Порт” компанияси ҳамда Ўзбекистоннинг “Ўзагроэкспорт” компанияси Ўзбекистондан мева-сабзавот маҳсулотларини Россияга етказиб бериш тўғрисида шартнома имзолашди.

“Ўзагроэкспорт” хабарига кўра, “Порт” компанияси “Холидей” компаниялар гуруҳи таркибига киради.

“Ўзагроэкспорт”нинг қайд этишича, умумий қиймати 1 млн. АҚШ долларига тенг сабзавот ва меваларнинг дастлабки партияси Россияга 2016-йил декабрь ойининг охирларида жўнатилади.

2017-йилда Россия компанияси Ўзбекистондан ҳафтасига 150 тонна сабзавот ва меваларни импорт қилади.