Ўзбекистон ва Хитой қишлоқ хўжалиги ва туризм соҳасида инновацион марказ ташкил этади

Тошкент, Ўзбекистон (UzDaily.uz) — 20 август куни Ўзбекистон Республикаси Инвестициялар, саноат ва савдо вазирлигида вазир ўринбосари Илзат Касимов ХитойнингAladdin Holdings Group", "Tai Chang Special Steel" va "B.A Holdings" компаниялари вакиллари билан учрашди.

Музокараларда "Замонавий қишлоқ хўжалиги ва маданий-туристик соҳаларида Ўзбекистон – Хитой инновацион маркази"ни ташкил этиш ташаббуси муҳокама қилинди. Таъкидланганидек, ушбу лойиҳа янги иш ўринларини яратишга, шунингдек қишлоқ хўжалиги ва туризмда инновацион ёндашувларни кенг жорий этишга хизмат қилади.

Учрашув якунида томонлар Ўзбекистон ва Хитой компаниялари ўртасида ҳамкорликни янада мустаҳкамлаш, лойиҳа доирасида босқичма-босқич амалий тадбирларни амалга ошириш ҳамда мунтазам мулоқотни давом эттиришга келишиб олдилар.