Ўзбекистон ва Швейцария Афғонистон йўналиши ва сув ресурслари бўйича ҳамкорликни муҳокама қилди
Тошкент, Ўзбекистон (UzDaily.uz) — 25 июнь куни Ўзбекистон Республикаси Президентининг Афғонистон бўйича Махсус вакили Исматулла Иргашев Швейцария Элчиси Константин Оболенский билан учрашди.
Музокаралар давомида Афғонистон йўналишидаги ҳамкорлик истиқболлари ҳамда минтақавий сув ресурсларини бошқариш масалалари муҳокама қилинди.
Томонлар Ўзбекистон ва Швейцария ўртасида тизимли ва конструктив мулоқотни давом эттиришга ўзаро қизиқиш билдирганликларини тасдиқладилар ва мунтазам маслаҳатлашувлар ўтказишни қўллаб-қувватлашга келишиб олдилар.
