Ўзбекистон ва Литва меҳнат миграцияси соҳасидаги ҳамкорликни муҳокама қилишди
Тошкент, Ўзбекистон (UzDaily.uz) — 12 ноябрь куни Ўзбекистон ташқи ишлар вазири ўринбосари Олимжон Абдуллаев Литванинг Ўзбекистондаги элчиси (қароргоҳи Остона шаҳрида) Эгидиюс Навикас билан учрашув ўтказди.
Учрашувда меҳнат миграцияси соҳасидаги икки томонлама ҳамкорлик масалалари, жумладан, ҳукуматлараро битимларни имзолашни жадаллаштириш, консуллик маслаҳатлашувларини ташкил этиш, шунингдек, ноқонуний миграция ва радикаллашувга қарши курашиш чоралари муҳокама қилинди.
Томонлар доимий мулоқотни давом эттиришдан ўзаро манфаатдор эканликларини тасдиқладилар ва ҳамкорликни мустаҳкамлаш бўйича қўшма чора-тадбирлар тўғрисида келишиб олдилар.
