Ўзбекистон терма жамоаси ФИФА рейтингида 61-ўринга кўтарилди
Бу аввалги кўрсаткичга нисбатан 1 поғона юқори. Ўзбекистон Осиё футбол конфедерацияси (ОФК)га аъзо терма жамоалар орасида 6-ўринда қолди. 816 очко билан Осиёда пешқадамликни сақлаб қолган Эрон дунёда 29-ўринда бормоқда. Жанубий Корея 699 очко билан қитъада 2-поғонада, жаҳон рейтингида эса 37-ўринда бормоқда. Бу ҳақда ЎФФ Мабуот хизмати хабар беради.
Австралия (649 очко) бир йўла 3 поғонага кўтарилиб, дунёда 44-ўринни, Осиёда 3-поғонани эгаллади. Япония (46-ўрин) ва Саудия Арабистони (48-ўрин) Осиё қитъасида мос равишда 4–5 ўринларни эгаллади.
ЖЧ–2018 турнирига учинчи саралаш босқичида Ўзбекистон билан бир гуруҳдан ўрин олган Хитой аввалги ойдагига нисбатан 1 поғона, Қатар эса 2 поғона юқорилади. Сурия терма жамоаси ўз ўрнидан силжимади.
Хитой — 81-ўрин (424 очко);
Қатар — 85-ўрин (416 очко);
Сурия — 96-ўрин (355)
ФИФА рейтингида ҳамон Аргентина (1634 очко) етакчилик қилмоқда. Иккинчи ўринни Бразилия (1544 очко) эгаллаб турган бўлса, учинчи ўриндан Германия (1433 очко) жой олган.
