Ўзбекистон Ташқи ишлар вазирлиги Финляндия билан ҳамкорлик истиқболларини муҳокама қилди

Тошкент, Ўзбекистон (UzDaily.uz) — Ўзбекистон ташқи ишлар вазири ўринбосари Музаффар Мадраҳимов Финляндия Республикасининг Ўзбекистондаги (резиденцияси Хелсинкида) Фавқулодда ва Мухтор Элчиси Илкка Ряйсянен билан унинг мамлакатимиздаги дипломатик миссияси якунланиши муносабати билан учрашди.

Ўзаро қизиқиш уйғотувчи соҳаларда ўзбек-фин муносабатларининг жорий ҳолати ва уларнинг кейинги ривожланиш истиқболлари муҳокама қилинди.

Финляндия элчиси ўз дипломатик миссиясини амалга оширишда кўрсатилган ҳар томонлама қўллаб-қувватлаш ва кўмак учун ўзбек томонига миннатдорлик билдирди.