Ўзбекистон Ташқи ишлар вазири Сомали Республикасининг биринчи элчисининг ишонч ёрлиқларини қабул қилди

Тошкент, Ўзбекистон (UzDaily.uz) — Ўзбекистон Ташқи ишлар вазири Бахтиёр Саидов Сомали Федератив Республикасининг Ўзбекистондаги биринчи элчиси Фатхудин Али Моҳамеднинг ишонч ёрлиқларини қабул қилди.

Учрашув давомида томонлар кўплаб истиқболли соҳаларда икки томонлама ҳамкорликни янада мустаҳкамлашга тайёр эканликларини билдирдилар.

“Биз элчига дипломатик миссиясида катта муваффақиятлар тилаймиз ҳамда самарали ва натижаларга йўналтирилган ҳамкорликни ривожлантиришга содиқмиз”, деб таъкидлади вазир.

Ушбу тадбир Ўзбекистон ва Сомали ўртасидаги муносабатларни ривожлантиришда сиёсий, иқтисодий ва маданий соҳалардаги ҳамкорликни кенгайтиришга қаратилган янги босқични белгилайди.

Эслатиб ўтамиз, 5 февраль куни Нью-Йоркда Ўзбекистон ва Сомали ўртасида дипломатик муносабатларни ўрнатиш тўғрисидаги Қўшма коммюнике имзоланди.