Ўзбекистон Россиянинг 12 та корхонасига балиқ маҳсулотлари етказиб беришга рухсат берди
Тошкент, Ўзбекистон (UzDaily.uz) — Ўзбекистон Ветеринария ва чорвачиликни ривожлантириш давлат қўмитаси Россиянинг ўн иккита корхонаси ва кемасига мамлакатга балиқ маҳсулотлари етказиб бериш учун рухсатнома берди, деб хабар қилди Россельхознадзор матбуот хизмати.
Экспорт қилиш ҳуқуқини Камчатка ўлкасидаги «Океанрыбфлот» АЖга тегишли қуйидаги балиқчи кемалар олди: «Владимир Бирюков», «Георгий Мещеряков», «Александр Ксенофонтов», «Анатолий Пономарёв», «XX съезд ВЛКСМ», «XXVII съезд КПСС», «Бакланово», «Хотин», «Мыс Олюторский» ва «Поллукс». Шунингдек, Приморье ўлкасидан «Южморрыбфлот» АЖнинг «Капитан Ефремов» номи билан аталган ишлаб чиқариш кемаси ҳамда Сахалин вилоятидан «Рыбак» МЧЖ компаниясига ҳам рухсат берилди.
Ҳозирги кунга келиб, Россиянинг 436 та компанияси Ўзбекистон бозорига балиқ маҳсулотлари етказиб бериш ҳуқуқига эга.
Россельхознадзор таъкидлаишича, Ўзбекистонга маҳсулот экспорт қилиш ҳуқуқини қўлга киритаётган маҳаллий ишлаб чиқарувчилар рўйхатини янада кенгайтириш бўйича ишлар давом эттирилмоқда.
Аввалроқ хабар берилишича, Ўзбекистонда 2025 йилнинг биринчи ярмида балиқ овлаш ҳажми 53,2 минг тоннани ташкил этган ва бу ўтган йилнинг шу даврига нисбатан 9,4 фоизга кўпдир.
