Ўзбекистон Жанубий Кореяга ютказиб қўйди
Тошкент, Ўзбекистон (UzDaily.uz) --
Футбол бўйича Ўзбекистон миллий терма жамоаси 2018-йилги Жаҳон чемпионати саралаш мусобақаси доирасида Жанубий Корея терма жамоасига ютказиб қўйди.
Сеул шаҳрида ўтган мазкур ўйин 2:1 ҳисобида майдон эгаларининг ғалабаси билан якунланди.
Учрашувнинг 25-дақиқасида Марат Бикмаев ҳисобни очган бўлса, иккинчи бўлимда кучли ўйин намойиш этган кореяликлар Нам Тай Хи ва Ку Жа Чолнинг голлари эвазига ғалабани илиб кетишди.
Ҳозирда 5 та ўйинда 9 та очко тўплаган терма жамоамиз “А” гуруҳида 3-ўринни банд этиб турибди.
