Москва вилоятида Россия ва Ўзбекистон ҳудудлари кенгашининг иккинчи мажлиси бўлиб ўтди

Тошкент, Ўзбекистон (UzDaily.uz) — Ҳудудлар кенгаши икки мамлакатнинг минтақалараро ҳамкорлиги масалаларини муҳокама қилиш учун муҳим майдондир.

Ҳудудлар кенгашининг иккинчи мажлиси доирасида Ўзбекистон–Россия бизнес-форуми бўлиб ўтди. Унда Ўзбекистон Республикаси Бош вазирининг ўринбосари Жамшид Ходжаев бошчилигидаги делегация иштирок этди.

Форум доирасида Фарғона вилояти Россиянинг Самара, Омск ва Пенза вилоятлари билан ўзаро ҳамкорлик бўйича келишувларни имзолади.

Ушбу келишувлар иқтисодий, саноат, қишлоқ хўжалиги ва инвестиция соҳаларидаги ҳамкорликни янада мустаҳкамлашга хизмат қилади.