Испания ЖЧ ярим финалига йўл олди

Тошкент, Ўзбекистон (UzDaily.uz) — Испания терма жамоаси футбол бўйича жаҳон чемпионатининг чорак финал учрашувида Бельгияни 2:1 ҳисобида мағлуб этиб, ярим финалга йўл олди. Учрашув АҚШнинг Калифорния штати Инглвуд шаҳрида бўлиб ўтди.

Испанияликлар ҳисобни учрашувнинг 30-дақиқасида очишди. Фабиан Руис киритган гол жамоасини ҳисобда олдинга олиб чиқди.

Биринчи бўлим тугашига оз вақт қолганда бельгияликлар мувозанатни тиклашга муваффақ бўлди. 41-дақиқада Шарль Де Кетеларе гол муаллифига айланди.

Ғалаба голини 88-дақиқада Микель Мерино киритиб, Испания терма жамоасининг мусобақанинг кейинги босқичига чиқишини таъминлади.

Жаҳон чемпионатининг ярим финалида Испания терма жамоаси Францияга қарши майдонга тушади. Учрашув 14 июль кунига белгиланган.