Фатҳулла Ниғмонов Тошкент ҳокими маслаҳатчиси бўлди

Тошкент, Ўзбекистон (UzDaily.uz) — Фатҳулла Ниғмонов Тошкент шаҳар ҳокимлигининг ахборот-таҳлилий гуруҳи раҳбари ҳамда пойтахт ҳокимининг маслаҳатчиси этиб тайинланди.

Фатҳулла Ниғмонов 1984 йилда Тошкент шаҳрида туғилган. У 2012 йилда Тошкент архитектура-қурилиш институтини «Геодезик ҳисоб-китоблар ва бошқа соҳаларда муҳандислик иши» мутахассислиги бўйича тамомлаган.

Тайинловга қадар у Тошкент шаҳар ҳудудий сайлов комиссияси раиси ўринбосари лавозимида фаолият юритган.

Меҳнат фаолияти давомида Ниғмонов Юнусобод тумани ҳокимлигида турли масъул лавозимларда ишлаган.

Кейинчалик у Бектемир тумани ҳокимининг биринчи ўринбосари лавозимида фаолият юритган, шунингдек, маълум муддат туман ҳокими вазифасини вақтинча бажарган.