Азизбек Икрамов Ўзбекистон Фавқулодда вазиятлар вазири этиб тайинланди

Тошкент, Ўзбекистон (UzDaily.uz) — Ўзбекистон Республикаси Президенти Шавкат Мирзиёев Фавқулодда вазиятлар вазирининг янги раҳбарини тайинлади.

Давлат раҳбарининг фармонига мувофиқ, Азизбек Икрамов Ўзбекистон Республикаси Фавқулодда вазиятлар вазири лавозимига тайинланди. Унинг номзоди бундан олдин Олий Мажлис Қонунчилик палатаси депутатлари томонидан маъқулланган эди.

Ушбу тайинловга қадар Азизбек Икрамов Фарғона вилояти Ички ишлар бошқармаси бошлиғи лавозимида фаолият юритган. У Ботир Қудратхўжаев ўрнини эгаллаган.