Азимжон Хусанов Касбий таълим агентлигини бошқарди

Тошкент, Ўзбекистон (UzDaily.uz) — Ўзбекистон Олий таълим, фан ва инновациялар вазирлиги ҳузуридаги Касбий таълим агентлиги директорлигига Азимжон Хусанов тайинланди.

Вазирлик маълумотига кўра, тегишли фармонни Президент Шавкат Мирзиёев имзолаган.

Тайинловгача Азимжон Хусанов Вазирлар Маҳкамаси ҳузуридаги Миграция агентлиги директори ўринбосари лавозимида ишлаб келган.

Касбий таълим агентлиги 25 октябрь куни ташкил этилган бўлиб, унинг асосий вазифалари этиб техникумлар фаолиятини мувофиқлаштириш, касбий таълим дастурлари мазмунини шакллантириш, малака даражалари ва ўқиш муддатларини белгилаш, битирувчилар билимларини баҳолаш мезонларини ҳамда ўқув-методик таъминотга қўйиладиган талабларни ишлаб чиқиш белгиланган.