Hasan Salixov Prezidentning madaniyat bo‘yicha vakili bo‘ldi

Toshkent, O’zbekiston (UzDaily.uz) — O‘zbekiston Respublikasi Prezidenti Shavkat Mirziyoyev madaniyat sohasidagi kadrlar o‘zgarishlariga oid farmonlarni imzoladi.

Davlat rahbarining farmoniga muvofiq, Hasan Salixov O‘zbekiston Respublikasi Prezidentining madaniyat bo‘yicha vakili etib tayinlandi. U yangi tayinlovga qadar Kreativ industriya parkiga rahbarlik qilib kelgan.

Prezidentning boshqa farmoni bilan G‘iyosiddin Rejabov boshqa ishga o‘tgani munosabati bilan O‘zbekiston Respublikasi Prezidentining madaniyat bo‘yicha vakili lavozimidan ozod etildi.

Eslatib o‘tamiz, G‘iyosiddin Rejabov mazkur lavozimda 2026 yil aprel oyi oxiridan buyon faoliyat yuritib kelayotgan edi.