Toshkent, O‘zbekiston (UzDaily.uz) — 2024 yilda O‘zbekiston muzeylarini 4,8 million kishi ziyorat qildi.
Milliy statistika qo‘mitasi maʼlumotlariga ko‘ra, 2025 yil 1 yanvar holatiga mamlakatda filiallari bilan birga 138 ta muzey faoliyat ko‘rsatgan. Ziyoratchilar orasida 1,4 million nafarini xorijiy sayyohlar tashkil etdi.
Eng ko‘p tashrif buyurilgan muzeylar qatoridan Samarqand davlat muzey-qo‘riqxonasi 1 035 325 nafar mehmon bilan birinchi o‘rinni egalladi. Registon ansambli direksiyasiga 908 225 kishi tashrif buyurgan. Davlat Shon-sharaf muzeyi 656 355 nafar tomoshabinni qabul qilgan. Buxoro davlat muzey-qo‘riqxonasi 489 208 nafar, Ichan-Qalʼa davlat muzey-qo‘riqxonasi esa 456 917 nafar mehmonga xizmat ko‘rsatdi.
