Улуғбек Мустафоев Жиззах вилояти ҳокими лавозимига тасдиқланди

Тошкент, Ўзбекистон (UzDaily.uz) — Улуғбек Мустафоев Жиззах вилояти ҳокими лавозимига тасдиқланди.

Бу вазифага тайинлангунга қадар у вилоят раҳбари вазифасини вақтинча бажариб келаётган эди.

Унинг номзодини вилоят халқ депутатлари Кенгашининг навбатдан ташқари сессиясида Ўзбекистон Президенти Шавкат Мирзиёев тақдим этди.

Депутатлар олдидаги нутқида давлат раҳбари янги ҳоким ҳал этиши зарур бўлган асосий вазифаларни белгилаб берди.

Президентнинг таъкидлашича, вилоят камида 4,5 миллиард доллар хорижий инвестиция жалб қилиши, йиллик экспорт ҳажмини 500 миллион долларга етказиши, 175 мингта иш ўрни яратиши ва 15 минг оилани камбағалликдан чиқариши лозим.