Тошкент Ўзбекистонда корхоналар сони бўйича етакчи

Тошкент, Ўзбекистон (UzDaily.uz) — 2026 йил 1 апрель ҳолатига кўра, Ўзбекистонда 577,2 мингта фаол корхона ва ташкилот рўйхатдан ўтган. Бу ҳақда маълумотни Ўзбекистон Республикаси Миллий статистика қўмитаси тақдим этди.

Ўтган йилнинг шу даврига нисбатан уларнинг сони 41,3 мингтага кўпайган бўлиб, бу 7,7 фоизлик ўсишни ташкил этади.

Фаол корхоналар сони бўйича етакчиликни Тошкент шаҳри сақлаб қолмоқда. Бу ерда 109 781 та субъект фаолият юритмоқда. Иккинчи ўринда Тошкент вилояти — 54 542 та корхона. Кейинги ўринларда Самарқанд вилояти — 53 457 ва Farg‘ona viloyati — 49 303 та корхона жойлашган.

Шунингдек, Қашқадарё вилоятида 44 221 та, Андижон вилоятида 35 524 та, Бухоро вилоятида 35 098 та ва Наманган вилоятида 33 796 та корхона рўйхатдан ўтган.

Хоразм вилоятида 32 512 та, Сурхондарё вилоятида 32 030 та, Қорақалпоғистон Республикасида эса 29 471 та корхона фаолият юритмоқда.

Жиззах вилоятида 26 741 та, Навоий вилоятида 24 208 та корхона рўйхатдан ўтган. Энг кам кўрсаткич эса Сирдарё вилоятида кузатилиб, 16 522 тани ташкил этган.

Шу тариқа, мамлакатда бизнеснинг энг катта қисми пойтахт ва аҳолиси кўп бўлган ҳудудларда жамланган.