Sumou Holding компанияси Янги Тошкентдаги турар-жой мажмуаси лойиҳасини муҳокама қилди

Тошкент, Ўзбекистон (UzDaily.uz) — “Янги Тошкент шаҳрини барпо этиш дирекцияси”да Саудия Арабистонининг “Sumou Holding Company” масъуллари билан учрашув бўлиб ўтди.

Унда асосий масала аҳоли учун замонавий турар жой мажмуасини барпо этиш инвестициявий лойиҳасини амалга ошириш масалалари муҳокама қилинди.

Учрашувда таъкидланганидек, Саудия Арабистонининг “Sumou Holding” компанияси 2007 йилда ташкил этилган бўлиб, уй-жой, кўчмас мулк қурилиши бўйича етакчи. Компания 2025 йилда Ар-Риёд, Даммам ва Ал-Хобар шаҳарларида 800 та турар жой биноларини барпо этиш бўйича 533 млн долларлик шартнома имзолаган.

“Sumou Holding” “Forbes Middle East” рейтингида Араб дунёсидаги ТОП-100 компаниялардан бири деб топилган. У келажак шаҳрида кўчмас мулк бўйича лойиҳа бошқаруви, таҳлил ва инвестиция хизматларини таклиф этмоқда.

Саудия Арабистони ишбилармонлари Янги Тошкент шаҳрида амалга оширилаётган йирик қурилиш объектлари билан танишди.