Саида Мирзиёева гиёҳванд моддалар билан боғлиқ жиноятларга қарши курашни кучайтиришни талаб қилди

Тошкент, Ўзбекистон (UzDaily.uz) — Ўзбекистон Президенти Администрацияси раҳбари Саида Мирзиёева гиёҳванд моддалар савдоси ва уюшган жиноятчиликка қарши курашни қатъий ва доимий назорат қилиш зарурлигини таъкидлади.

Ҳуқуқни муҳофаза қилиш органлари раҳбарлари билан бўлиб ўтган ишчи учрашувда гиёҳванд моддалар билан боғлиқ жиноятчилик, жиноий гуруҳлар ва ноқонуний қурол савдосига қарши курашиш учун тезкор мувофиқлаштирилган ва самарали тизим яратиш вазифаси қўйилди.

Жамиятда, биринчи навбатда ёшлар орасида гиёҳванд моддаларнинг тарқалишига йўл қўймаслик, ёш авлодни гиёҳвандлик балосидан асраш ва фуқаролар хавфсизлигини таъминлашга алоҳида эътибор қаратилди.

Саида Мирзиёева ушбу йўналишдаги ҳар қандай ноқонуний хатти-ҳаракатларга қатъий равишда чек қўйилиши кераклигини таъкидлади.