Қозоғистон Транспорт вазирлиги Ўзбекистонга киришда ташувчилар учун йиғимлар ҳақидаги маълумотни рад этди
Тошкент, Ўзбекистон (UzDaily.uz) — Қозоғистоннинг Транспорт вазирлиги Қозоғистон ташувчилари учун Ўзбекистонга киришда йиғимлар жорий этилгани ҳақидаги маълумотни рад этди.
Вазирлик маълумотига кўра, Қозоғистон ва Ўзбекистон ҳукуматлари ўртасида 2007 йилда имзоланган халқаро автомобиль алоқаси тўғрисидаги Битимга мувофиқ, икки давлат ташувчилари йўл тўловлари учун йиғимлардан ташқари бошқа барча йиғим ва тўловлардан озод қилинган.
Шу тариқа, Қозоғистон ташувчиларига Ўзбекистон ҳудудида қўшимча йиғимлар ундирилмайди.
