Қаршида ис газидан заҳарланган эркак ва унинг уч фарзанди вафот этди

Тошкент, Ўзбекистон (UzDaily.uz) — Қашқадарё вилояти Қарши шаҳрида эркак киши ва унинг уч нафар фарзанди ис газидан заҳарланиб вафот этди.

17 декабрь куни эрталаб 46 ёшли эркак, унинг ўғли ва икки қизининг жасадлари ўз уйларида топилган.

Дастлабки маълумотларга кўра, ис гази замонавий иситиш қозонининг моридан чиқиб, умумий вентиляция тизимига кирган. Қозон уйнинг ертўласида ўрнатилган бўлган.

Ҳодиса бўйича прокуратура томонидан суриштирув ишлари бошланган.