Ўзбекистон ва Тожикистон авиақатновлар соҳасидаги ҳамкорликни тиклаш тўғрисида келишувга эришишди
Тошкент, Ўзбекистон (UzDaily.uz) --
Ўзбекистон Республикаси ва Тожикистон Республикаси авиақатновлар соҳасидаги ҳамкорликни тиклаш тўғрисида келишувга эришишди.
Тожикистон Транспорт вазирлиги хабарига кўра, 30-ноябрь куни Душанбе шаҳрида Ўзбекистон ва Тожикистон авиацион ҳукуматлари музокаралар ўтказишди.
Учрашув давомида Ўзбекистон ва Тожикистон авиацион ҳукуматлари ўртасида авиақатновлар соҳасидаги ҳамкорликни тиклаш тўғрисида келишувга эришилди.
Ўзбекистон ва Тожикистон Тошкент ва Душанбе ўртасида авиақатновларни қайта йўлга қўйиш бўйича музокаралар ўтказишмоқда. Биринчи парвознинг 2017-йилдан амалга оширилиши кутилмоқда.
