Ўзбекистон ва Италия тоғ-кон саноати соҳасидаги ҳамкорликни муҳокама қилишди

Тошкент, Ўзбекистон (UzDaily.uz) — Жорий йилнинг 16 июль куни Ўзбекистон Республикаси Тоғ-кон саноати ва геология вазири Б. Исламов Италия Республикасининг Ўзбекистон Республикасидаги Фавқулодда ва Мухтор Элчиси Гвидо Де Санктис билан учрашув ўтказди.

Учрашув давомида томонлар Ўзбекистон ва Италия ўртасида тоғ-кон саноати ва геология соҳасидаги ҳамкорликнинг бугунги ҳолати ҳамда истиқболларини муҳокама қилдилар. Хусусан, металлургия, углеводородлар соҳаси, шунингдек, Университй оф Писа билан амалга оширилаётган қўшма таълим ва илмий лойиҳаларга алоҳида эътибор қаратилди.

Музокаралар якунида томонлар қўшма лойиҳаларни амалга ошириш, Италиянинг етакчи компанияларини жалб этиш ҳамда геологик қидирув, фойдали қазилмаларни қазиб олиш ва қайта ишлаш йўналишларида икки томонлама шерикликни ривожлантириш бўйича ҳамкорликни давом эттиришга келишиб олдилар.