Ўзбекистон Фармацевтика саноатини ривожлантириш агентлиги USP билан дори воситаларини АҚШда рўйхатдан ўтказиш ва экспорт қилиш масалаларини муҳокама қилди

Тошкент, Ўзбекистон (UzDaily.uz) — Фармацевтика тармоғини ривожлантириш агентлиги директори А.Азизов АҚШ Фармакопеяси (USP)нинг Жамоатчилик сиёсати ва регулятор ишлари директори Закия Ал-Курди билан учрашув ўтказди.

Суҳбат давомида АҚШда дори воситаларини рўйхатдан ўтказиш жараёнлари ва талаблари, экспортни амалга ошириш имкониятлари муҳокама қилиниб, ўзаро ҳамкорликнинг амалий йўналишлари юзасидан фикр алмашдилар.

Қўшимча равишда USP Конвенциясида аъзолик масаласи кўриб чиқилиб, Агентликнинг мазкур жараёнда иштирок этиши имкониятлари муҳокама этилди.