Ўзбекистоннинг Афғонистон бўйича махсус вакили Швеция Миграция департаменти директори билан музокаралар ўтказди
Тошкент, Ўзбекистон (UzDaily.uz) — 2025 йил 15 май куни Ўзбекистон Республикаси Президентининг Афғонистон бўйича махсус вакили Исматулла Иргашев Швеция Қироллиги Адлия вазирлиги ҳузуридаги Миграция масалалари департаменти директори София Остмарк билан музокаралар ўтказди.
Суҳбат чоғида томонлар икки томонлама ҳамкорликнинг долзарб масалаларини, жумладан миграция соҳасидаги ўзаро алоқалар ва минтақавий кун тартибини муҳокама қилдилар.
Афғонистондаги вазият ва инсонпарварлик йўналишидаги ҳамкорликнинг мумкин бўлган шакллари юзасидан фикр алмашишга алоҳида эътибор қаратилди.
Учрашув конструктив руҳда ўтди ҳамда амалий мулоқотни янада чуқурлаштириш борасида томонларнинг ўзаро манфаатдорлигини тасдиқлади.
