Ўзбекистонга табиий асал импорти қарийб уч баробар ошди

Тошкент, Ўзбекистон (UzDaily.uz) — 2026 йилнинг дастлабки тўрт ойида Ўзбекистонга табиий асал импорти ўтган йилнинг шу даврига нисбатан қарийб уч баробарга ошди. Бу ҳақда Миллий статистика қўмитаси маълумотлари гувоҳлик бермоқда.

Январь–апрель ойларида республикага умумий қиймати 584,4 минг АҚШ долларига тенг бўлган 642,2 тонна табиий асал импорт қилинди.

2025 йилнинг шу даврига нисбатан импорт ҳажми 422,4 тоннага ёки 2,9 баробарга кўпайган.

Ўзбекистонга табиий асал етказиб берувчи энг йирик давлат Қозоғистон бўлиб, ушбу мамлакатдан 372 тонна маҳсулот импорт қилинган. Иккинчи ўринни 168 тонна билан Қирғизистон, учинчи ўринни эса республикага 87,9 тонна асал экспорт қилган Россия эгаллади.

Шунингдек, Германиядан 10 тонна, Венгриядан эса 2,2 тонна табиий асал етказиб берилган.

Қолган давлатлар ҳиссасига импорт қилинган табиий асалнинг яна 2,1 тоннаси тўғри келди.