Ўзбекистон ва Рас-аль-Хайма туризм ҳамда қурилиш саноат соҳасида ҳамкорликни муҳокама қилмоқда

Тошкент, Ўзбекистон (UzDaily.uz) — Ўзбекистоннинг БААдаги элчиси Абдулазиз Акқулов Рас-аль-Хайма амирлигига ташриф буюриб, бир қатор учрашувлар ва музокаралар ўтказди, деб хабар беради ИА «Дунё».

Томонлар туризм салоҳиятини ўзаро тарғиб қилиш, меҳмонхона ва ресторан соҳасида тажриба алмашиш, шунингдек, авиақатновлар сонини кўпайтириш масалаларини муҳокама қилдилар.

Элчи «RAK Ceramics» компанияси раҳбарияти билан учрашиб, керамика плиткалари ва сантехника маҳсулотлари ишлаб чиқарувчи қўшма корхона ташкил этиш имкониятларини муҳокама қилди. Лойиҳа Марказий Осиё давлатлари учун мўлжалланган.

Томонлар келгусидаги ҳамкорлик истиқболларини ўрганиш бўйича келишувга эришдилар.