Тошкент, Ўзбекистон (UzDaily.uz) — Ўзбекистон Тиббиёт ва фармацевтика тармоғини ривожлантириш агентлиги ҳамда халқаро PwC компанияси соғлиқни сақлаш тизимида молиявий бошқарувни такомиллаштириш масалаларини муҳокама қилди.
Агентлик директори Абдулла Азизов 2026 йил 25 октябрь куни PwC вакиллари билан учрашув ўтказди. Томонлар тиббиёт муассасаларини бошқариш, аудит жараёнларини ташкил этиш ва халқаро молиявий ҳисобот стандартларини жорий қилиш масалаларини кўриб чиқди.
Молиявий операциялар шаффофлигини ошириш, бухгалтерия ҳисобини юритишга ёндашувларни бирхиллаштириш ва тиббиёт ташкилотларини бошқариш механизмларини такомиллаштиришга алоҳида эътибор қаратилди.
Учрашув якунида томонлар халқаро экспертлар тажрибасидан фойдаланиш, молиявий назоратни ривожлантириш ва бошқарув жараёнлари самарадорлигини ошириш бўйича кейинги қадамларни муҳокама қилди.
Ушбу йўналишлардаги ишлар маблағлардан янада самарали фойдаланиш, ҳисоботлар шаффофлигини ошириш ва соғлиқни сақлаш тизимида молиявий бошқарувни такомиллаштиришга хизмат қилиши кутилмоқда.
